Ekimena

Euskal Herrian tabernako barran jartzekoak gara, pintxoa eta zuritoa eskatzekoak, errazioak zotz batekin pikatzekoak, bizitza mahai baten inguruan gozatzekoak, ogia saltsan bustitzekoak. Itsasoa eta bere herri arrantzaleak, mendia eta baratzeak, soroa eta mahastiak... Egiten dugunak eta egiteko erak, azken finean, garena definitzen du. Euskal Herrian, gastronomia nortasuna da.

Askotan esan ohi dugu: etxean bezala, inon ez. Bada, badira etxe hau munduko beste leku batzuetara lekualdatzen dutenak: denak dira Basque Ambassadors.

Errekonozimendu honen bitartez mundu osoko euskal enbaxadore gastronomikoei omenaldia egiten zaie: Euskaditik kanpo, geure herrialdearen ateak irekitzen dituztenei. Ekimen honek, Eusko Jaurlaritzako Turismo, Merkataritza eta Kontsumo Sailaren babesarekin, euskal kulturaren funtsa eta aberastasuna munduko hainbat txokotara eraman duten sukaldari edo profesionalak nabarmendu nahi ditu, baita tradizioarekiko eta hurbileko produktuaren kalitatearekiko konpromisoa ere.

Ekitaldia

Arratsaldeko egitarauan Euskadik Mexikon dituen enbaxadore gastronomiko bikainei aitorpenaren aurkezpena eta Elena Reygadas sukaldari entzutetsuaren taldeak prestatutako koktela izango dira.

Ez ahaztu gure webgunea bisitatzea, Basque Ambassadors errekonozimendu preziatuarekin saritutakoak nortzuk izango diren ezagutzeko. Euskal sukaldaritzaren tradizio aberatsa munduan zehar sustatzeko aztarna nabarmena utzi duten pertsonentzat gordetako ohorea!